Veseli: Problemet e Maqedonisë nuk janë probleme të Kosovës

Kryetari i Kuvendit të Kosovës, Kadri Veseli tha të martën se problemet e Maqedonisë nuk janë probleme të Kosovës dhe se i vjen keq për ngjarjet në Kumanovë.

Ai pas mbledhjes së Kryesisë së Kuvendit tha se Ballkani ka nevojë për mirëkuptim dhe mirëbesim dhe shtoi se pret që palët atje të gjejnë gjuhë të përbashkët për zgjidhjen e problemeve që ekzistojnë.

Ndryshe, seancat e radhës së Kuvendit të Kosovës do të mbahen më 15 dhe 18 maj.