Vetëvendosje dhe Nisma: Polica po mban të bllokuar autobusin me protestues nga Prizreni

Lëvizja Vetëvendosje thotë se Policia ka filluar provokimin e protestuesve duke mbajtur të blokuar autobusin me protestues dhe duke i kontrolluar ata .

“Protestuesit që janë nisur nga Prizreni, tash e gjysmë ore po mbahen të ndalur nga policia e cila po i kontrollon veç e veç secilin”, thotë kjo parti përmes një komunikate për media.

“I bëjmë thirrje Policisë së Kosovës që të mos vazhdojë provokimet e tilla që kanë synim vonimin e protestuesve”, thuhet më tej në komunikatë.

Edhe Nisma për Kosovën ka njoftuar për këtë rast, teksa ka thënë se “arsyet e ndaljes nga ana e policisë konsiderojmë se janë të qëllimshme dhe se krejt kjo po bëhet që protestuesit të mos arrijnë me kohë në protestë”.