Vidhen 11 aeroplanë, mund të përdoren për sulme terroriste

Zyrtarët amerikanë kanë frikë se militantët islamikë vodhën 11 aeroplanë komercial në Libi, të cilët mund të përdoren për sulme terroriste, si ato që ndodhen në Shtetet e Bashkuara më 11 shtator të 2001.

Njëmbëdhjetë avionë që janë në pronësi të dy kompanive ajrore libiane janë zhdukur muajin e fundit në Libi, pasi grupi militant, “Agimi libian”, morri nën kontroll aeroportin e Tripolit, transmeton Telegrafi.

Në dy javët e fundit, qeveria amerikane ka bërë paralajmërime për situatën kritike në Libi, ku pohohet se aeroplanët që janë zhdukur mund të përdoren për sulme terroriste, të cilat do të shënojnë përvjetorin e sulmeve të kryera më 11 shtator të vitit 2001.

Njëmbëdhjetë shtatori nuk është vetëm përvjetori i sulmeve terroriste të Al-Kaedës në Nju Jork dhe Washington, por edhe përvjetori i dytë i sulmit të islamistëve në rezidencën e ambasadorit amerikan në Bengazi, Christopher Stevens, i cili u vra së bashku me katër qytetarë amerikanë.

Aeroporti ndërkombëtar në Tripoli është nën kontrollin e dy grupeve anti-islamike dhe është mbyllur gjatë muajit korrik.

Qeveria amerikane nuk e ka konfirmuar zyrtarisht informacionin rreth vjedhjes së aeroplanëve, por është duke punuar në gjetjen e tyre.