Vlahutin: Kemi ende punë për të bërë

Romana Vlahutin, miratimi i Reformës në Drejtësi është vetëm suksesi i parë mes shumë suksesesh që duhen arritur për dobinë dhe mirëqenien e popullit shqiptar.

Kështu shprehet ajo në një mesazh falenderimi drejtuar të gjithë atyre që morën pjesë në rrugën e gjatë dhe të vështirë që çoi në miratimin e kësaj reforme.

“Një falenderim të madh nga thellësia e zemrës, stafit të Delegacionit dhe misionit Euralius, kolegëve në Bruksel, deputetëve të Parlamentit Europian, anëtarëve të Komisionit të Posaçëm Parlamentar per Reformen ne Drejtesi dhe Kryetarit të tij Z. Xhafaj, gjithë njerëzve me vullnet të mirë nga forca të ndryshme politike, anëtarëve të shoqërisë civile, si dhe kolegëve të mi amerikanë, sidomos Ambasadorit Lu, për punën e madhe dhe partneritetin besnik në rrugëtimin e gjatë dhe të vështirë që na çoi në miratimin e suksesshëm të reformës në drejtësi. Por ky është vetëm suksesi i parë mes shumë suksesesh të tjera që duhen të arrijmë së bashku për dobinë dhe mirëqenien e popullit shqiptar. Le t’i kthehemi punës!”