Vokshi: Beqja kërkon të mbulojë krizën në shëndetësi me gënjeshtra

Partia Demokratike ka akuzuar ministrin e Shëndetësisë, Ilir Beqja, se po i shton krizës së shëndetësisë edhe gënjeshtra e mashtrime me argumentin se largoi kompaninë Glaxo Smith Kline Export Limited, Kline 1 Actaves.

Deputetja e Partisë Demokratike, Albana Vokshi, në një deklarate për mediat pasditen e sotme u shpreh se “po i tregojmë publikut deklaratën e kompanisë Glaxo, drejtuar ministrisë së Mirëqënies Sociale, ku dëshmohet mbyllja e zyrës dhe pushimi kolektiv i punonjësve të saj nga puna.

“Kompanitë serioze farmaceutike si Glaxodhe Aktavis, nuk mund të operojnë në kushtet e një qeverisjeje klienteliste, që i jep hapësirë vetëm firmave të veta. Nga dita në ditë shëndetësia falas po kthehet në një mall luksi për shqiptarët, ilaçet e kompensuara dhe të ulëta në çmim janë vetëm mashtrim dhe manipulim, ashtu sikurse edhe check-up, që rezultoi krejtësisht fiktiv. Kjo është dita më e keqe për shëndetësinë shqiptare”, u shpreh Vokshi.