Vrasin gjyshen me dy mbesat për shkak të postimit në Facebook

Një turmë e njerëzve i ka vënë flakën disa shtëpive që i takojnë komunitetit minoritar të myslimanëve Ahmadi në lindje të Pakistanit, duke vrarë një grua dhe dy mbesat e saj për shkak të postimeve në Facebook.

Turma e dhunshme në qytetin e Guxhranvalla të krahinës Punxhab, e ka kryer këtë sulm pasi thonë se një pjesëtar i komunitetit të sulmuar ka postuar materiale blasfemuese në rrjetin social, Facebook, transmeton Rel.

Policia thonë se në mesin e të vrarëve është edhe një vajzë shtatë vjeçare dhe motra e saj foshnje.

Persekutimi dhe vrasja e minoriteteve fetare ndodh shpesh në Pakistan ku ofendimi i ndjenjave fetare të myslimanëve rezulton në akuza për blasfemi, diçka që dënohet me vdekje.