Zaev – Bildt: Proceset demokratike janë të patjetërsueshme për përparimin e Maqedonisë
Pas takimit me diplomatin suedez, Carl Bildt, lideri i LSDM-së, Zoran Zaev, ka deklaruar se do të çbllokohen proceset sipas Kushtetutës dhe se do të zgjidhet kryetari i Kuvendit, njofton Telegrafi Maqedoni.
Bashkëbiseduesit kanë konstatuar se proceset demokratike janë të patjetërsueshme për përparimin e Maqedonisë. Zaevi është zotuar edhe për krijimin e shpejtë të Qeverisë së re.
Siç njoftojnë nga LSDM-ja, në takim është diskutuar edhe për, siç thonë, trysnitë që i bën pushteti në ikje mbi OJQ-të, për rrezikun nga bllokimi i sistemit të tërë shtetëror nëse nuk zgjidhet Kryetari i Kuvendit që duhet të shpallë zgjedhje lokale.
Në takim është konkluduar se janë të nevojshme reforma urgjente në sferën e pavarësisë së gjyqësisë dhe institucioneve.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.