Zaev: Gruevkski nuk ka shpëtim, dëshmitë e reja do ta detyrojnë largimin e tij

Lideri i LSDM-së Zoran Zaev vazhdon të jetë i bindur se me publikimin e bombave më serioze, të planifikuara për periudhën e ardhshme, Gruevksi do ti thotë lamtumirë politikës. Në një intervistë për televizionin N1 nga Beogradi, partner i televizionit global CNN, Zaevi theksoi sërish se me dëshmitë e reja do të dështojnë të gjitha përpjekjet e Gruevskit për të ruajtur me çdo kusht pushtetin.

“Dorëheqjet janë të paevitueshme. Qeveria kalimtare është e paevitueshme. Nuk ka shpëtim nga kjo. Pasi të publikojmë gjithçka që kemi, përpjekjet e Gruevskit për të qëndruar në pushtet nuk do të kenë sukses”, ka thënë Zoran Zaev për televizionin N1.

Me kërkesë të televizionit, Zaev ka sqaruar përfshirjen e kryeministrit Gruevski në përvetësimin e parcelave në Vodno, përmes of-shor kompanive. Sipas Zaevit, në dëm të qytetarëve të Shkupit, shirita gjelbërimi janë shndërruar në parcela ndërtimi dhe banimi, duke ndryshuar planet urbanistike me porosi të drejtpërdrejtë të Gruevskit. Sipas liderit të LSDM-së, me ndryshimin e destinimit të parcelave në sipërfaqe prej rreth 14 mijë metra katror, vlera e tyre sot ka arritur shumë marramendëse prej rreth 17 milion euro.