Zyrtare: Anulohet takimi i liderëve në Vjenë

24Vest bën të ditur se është anuluar takimi i liderëve të partive nënshkruese të marrëveshjes së Ohrit, e cila duhej të mbahej nesër në Vjenë, me qëllimin e vetëm shpëtimin e Marrëveshjes, transmeton Telegrafi Maqedoni.

Sipas këtij njoftimi, lajmi për anulimin e takimit është dërguar deri te partitë politike nga ana e ambasadorit të BE-së në Shkup, Aivo Orav.

Paraprakisht, LSDM-ja vendosi kushte për të marrë pjesë në këtë takim, dhe kërkonte anulimin e zgjedhjeve, si edhe tërheqjen e vendimit të kryetarit Ivanov, për faljen e politikanëve të cilët janë nën hetime.