Ekonomia

Bilanci i pagesave jo tregtare – 3 mujori, qeveria ka disbursuar 14.4 mld lekë transaksione

Qeveria shqiptare krahas pagesave normale nga thesari për transaksione të ndryshëm për investime apo shërbime publike, realizon edhe  transaksione të financimeve të huaja.

Sipas të dhënave zyrtare të Ministrisë së Financave, mbi bilancin e pagesave jo tregtare te qeverisjes së përgjithshme rezulton se disbursimi i fondeve buxhetore për transaksione te financimeve te huaja kap vlerën e 14.4 miliardë lekë, nga të cilat deri më tani janë shpenzuar mbi 10 miliardë e 39 milion lekë.

Po sipas këtyre statistikave, vlerën më të madhe të disbursuar e ka zëri  mbështetje buxhetore për kredi më vlerën 10 miliardë lekë, ndërsa zëri mbështetje buxhetore për grante në vlerën 32.3 milion lekë.

Gjithashtu sipas kësaj reference, qeveria ka dhe shpenzime të tjera jo tregtare, që për periudhën 3 mujore të këtij viti kanë kapur vlerën e 5.9 milion dollarë.

Sipas të dhënave të dikasterit të financave, shpenzimet zyrtare qeveritare jashtë shtetit janë 733 mijë dollarë, nga të cilat  shpenzime udhëtimi 452 mijë dollarë, shpenzime të ambasadave(përjashtuar paga) janë në vlerën 2.5 milion dollarë, ndërsa zëri paga dhe pagesa për zyrtarët e ambasadave kap shifrën 1.1 milion dollarë.

Gjithashtu një zë i veçantë në këtë grup është  ai I pagesave të kuotave ndërkombëtare në vlerën e 18.2 mijë dollarë.

Related Articles

Leave a Reply

Your email address will not be published. Required fields are marked *

Back to top button