20 ditë moratorium pyjesh, Agasi: Janë vendosur 450 milionë lekë gjoba

Në vetëm 20 ditë nga hyrja në fuqi e moratoriumit të pyjeve janë vendosur nëntë masa administrative, në total 450 milionë lekë të vjetra. Kështu bëri të ditur kreu i Inspektoratit Shtetëror të Mbrojtjes së Pyjeve, Ergys Agasi.

Ai tha për mediat se vetëm në muajin shkurt në rang vendi janë bërë nga ISHMP 750 inspektime. “20 ditë nga hyrja në fuqi e moratoriumit të pyjeve, 9 masa administrative, total 450 milionë lekë të vjetra. Fokusi kryesor i yni, informimi i komunitetit lokal si dhe grupeve të interesit”, tha Agasi.

Ai ka ftuar qytetarët të denoncojnë çdo shkelje në aplikacionin MjedisiIM, i aksesueshëm në çdo celular Android apo iPhone.