22-vjeçari humb jetën në Gjonaj të Prizrenit, ra nga lartësia me motoçikletën me katër rrota

Një 22-vjeçar ka humbur jetën të premten pasdite, më 6 nëntor 2026, rreth orës 15:00, në fshatin Gjonaj të Prizrenit, siç njofton RTK.

Sipas RTK-së, i riu me inicialet A.H. ka humbur kontrollin mbi motoçikletën me katër rrota (ATV) dhe ka rënë nga një lartësi, duke vdekur në vendin e ngjarjes.

Policia është njoftuar përmes një informate dhe njësitet policore kanë dalë në vendin e ngjarjes, ku e kanë gjetur personin të shtrirë në rrëzë të malit, me motoçikletën e dëmtuar pranë. Ekipi i Urgjencës ka konstatuar vdekjen e viktimës.

Lajmin e ka bërë të ditur zëdhënësi i Policisë për rajonin e Prizrenit, togeri Shaqir Bytyqi. Hetuesit policorë dhe Prokurori i Shtetit janë njoftuar për rastin.

Me urdhër të prokurorit, trupi i pajetë është dërguar në Institutin e Mjekësisë Ligjore në Prishtinë. Rasti është hapur si “Hetim i vdekjes” dhe hetimet vazhdojnë në koordinim me Prokurorin e Shtetit për zbardhjen e plotë të rrethanave.