“50 hijet e Greit”, Beyonce ngacmon me një postim në Instagram

Më 24 Korrik do të publikohet edhe trajleri zyrtar i një prej filmave më të shumëpritur të sezonit të ardhshëm kinematografik, “50 hijet e Greit”.

Në mënyrë surprizuese, Beyonce në Instagram ka ngacmuar me një postim të një pjese të shkurtër të 2-3 skenave pikante, të asaj çka do të shohim në këtë film. Në këto skena, MR Grey (Jamie Dornan) shfaqet në një zyrë, më pas në një skenë tjetër një imazh sensual dhe kurioziteti rritet.

Ky është një ndër filmat e shumëpritur, pas suksesit të jashtëzakonshëm që pati libri “50 hijet e Greit”. Filmi pritet të dalë në sallat e kinemave në mbarë botën, më 13 Shkurt të vitit 2015.