“7 ligjet”, ambasadorët përfundojnë takimin me Metën

Ambasadorët e SHBA-së dhe BE-së, Donald Lu dhe Romana Vlahutin, përfunduan rreth orës 12:35 takimet në kryesinë e Kuvendit, në kuadër të intensifikimit të përpjekjeve për të nxitur palët politike në miratimin e 7 ligjeve mbështetëse që e bëjnë efektive reformën në drejtësi.

Ambasadorja Vlahutin u takua për rreth një orë e gjysëm me kryeparlamentarin Ilir Meta, ndërsa ambasadori Lu zhvilloi një takim me kryetarin e komisionit të posaçëm për reformën në drejtësi, Fatmir Xhafaj.

Në fokus të tyre ishte miratimi i 7 ligjeve, që e bëjnë të zbatueshme reformën kushtetutese, e miratuar me konsensus në oret e para të datës 22 korrik.

Mes ketyre ligjeve prioritet ka drafti ‘për vetingun”, një nga më të rëndësishmit e kesaj pakete ligjore, për të cilën ndërkombëtarët kanë apeluar që të shpejtohet miratimi i tij në Kuvend, menjëherë pas hyrjes në fuqi të ndryshimeve kushtetuese, që i takon pas dates 11 gusht.