73 të vdekur pas sulmeve ajrore izraelite në Gaza

 Arrin në 73 numri i të vdekurve pas sulmeve ajrore izraelite në Gaza, ku 14 persona kanë vdekur vetëm dje. Mes tyre është edhe një familje e tërë prej shtatë personash në Khan Yunis, në jug të Rripit të Gazës, shtëpia e së cilës u shkatërrua pa asnjë paralajmërim. Mes të vdekurve ka edhe gra dhe fëmjë. Ndërkohë numri i të plagosurve ka arritur në 550. Këshilli i Sigurimit i Organizatës së Kombeve të Bashkuara do të mblidhet sot në mëngjes (në orën 14:00 GMT) në një takim urgjence me dyer të mbyllura për situatën e krijuar në Gaza, njoftoi presidenca e radhës e këshillit.