9 lëkundje sizmike godasin Teheranin gjatë natës, ekspertët të shqetësuar për rrezikun e një tërmeti të madh

Një seri prej nëntë tërmetesh të vegjël goditën zonën Pardis në lindje të Teheranit gjatë natës, raportoi të mërkurën agjencia e lajmeve Mehr, duke ngjallur frikën midis ekspertëve dhe banorëve se kryeqyteti iranian mund të përballet me një katastrofë të madhe sizmike.

Aktiviteti i përsëritur ka ringjallur shqetësimet se presioni i akumuluar tektonik poshtë dhe përreth kryeqytetit, i cili ndodhet pranë disa vijave aktive të çarjeve, mund të shkaktojë në një moment në të ardhmen një tërmet shumë më të madh.

Ndërsa dridhjet në zonë janë të shpeshta, është shumë më pak e zakonshme që disa të ndodhin radhazi. Dridhjet, të regjistruara gjatë një nate të vetme në provincën lindore të Teheranit, u ndjenë në një zonë afër çarjes Mosha, një nga zonat sizmike më aktive të Iranit.

Mediat shtetërore raportuan se një nga tërmetet u regjistrua me magnitudë 4.6 ballë, duke shtuar se aktiviteti i lehtë sizmik nuk shkaktoi viktima ose dëme materiale.

Sizmologu Mehdi Zare tha se nuk ishte e qartë nëse dridhjet përfaqësonin një çlirim të energjisë sizmike të akumuluar që do të zvogëlonte rrezikun në të ardhmen, apo në vend të kësaj ishin shenja paralajmëruese të një aktiviteti më të fortë në të ardhmen.

Ekspertët iranianë kanë paralajmëruar vazhdimisht se një tërmet i madh pranë kryeqytetit mund të ketë pasoja katastrofike.

Irani është ndër vendet më të prirura ndaj tërmeteve në botë me tërmetin e forte të Bamit në vitin 2003, i cili vrau më shumë se 30,000 njerëz.