Agim Bahtiri: Mos dilni nesër në protestë

Konferencë të jashtëzakonshme e ka quajtur kryetari i Mitrovicës, Agim Bahtiri, paraqitjen e tij para gazetarëve, ku ka përsëritur edhe njëherë qëndrimin e tij për qytetarët e Mitrovicës që të mos i bashkohen protestës së thirrur në kundërshtim të vendosjes së shtatores së Car Llazarit në pjesën veriore të qytetit.

“Nëpër rrjete sociale, nëpër media, është bërë thirrje për protestë. Dhe, duke parë situatën, më është dashur t’ju thërras dhe ftoj qytetarët e Mitrovicës dhe Kosovës që të mos marrin pjesë në këtë protestë që nuk dihet se kush e ka thirrur”, ka thënë kreu i Mitrovicës, raporton Koha.net.

Ai është i bindur se çdo protestë çon në largimin e bashkimit të qytetit.

“Kjo protestë është thirrur me qëllim të keq që nuk dihet nga kush. Nëse ka nevojë, unë do të thërras protestë vetë, por qytetarët nuk duhet të dalin në protestë që nuk dihet se nga kush është thirrur”, ka thënë Bahtiri.