Agjencia Kombëtare e Bregdetit, gati per trajnimin e guidave turistike

Në kuadrin e Projektit Pilot për trainimin e guidave turistike në rrethin e Sarandës, iniciuar nga Agjencia Kombëtare e Bregdetit dhe e  mbështetur nga Ministria e Mireqënies Sociale dhe Rinisë, Ministria e Ekonomisë, Turizmit, Tregtisë dhe Sipërmarrjes dhe Ministria e Kulturës, do të paraqese një formular aplikimi për të interesuarit që duan të trajnohen në menaxhimin turistik të vijës bregdetare.

Kështu, do të nisë faza e parë, ndërsa faza e dytë do të quhet faza përzgjedhëse pas një  mini-interviste me secilin prej të përzgjedhurve paraprakisht. Trainimi do te zgjasë 10 ditë. Fushat e testimit do të jenë historia e zonës, ekonomia, arkeologjia, gjeografia etj.

Edhe ky trajnim futet te përgatitjet e shumta që po praktikon kjo Agjenci në pritje të sezonit të ri veror në plazhet shqiptare.