Ahmetaj në Vjenë, diskuton për sfidat e ekonomisë në Ballkan

Ministri i Zhvillimit Ekonomik, Turizmit, Tregtisë dhe Sipërmarrjes, Arben Ahmetaj po merr pjesë në Vjenë, në konferencën e organizuar nga Fondi Monetar Ndërkombëtar dhe Banka Kombëtare Austriake me temë “Ballkani Perëndimor, 15 vite tranzicion”.

Në një postim në rrjetin social “Facebook”,  Ahmetaj bëri të ditur se pjesë e konferencës do të jenë diskutimet mbi tranzicionin ekonomik gjatë këtyre 15 viteve, arritjet dhe sfidat e së ardhmes.

“Në Vjenë, në konferencën e organizuar nga FMN dhe BKA, ‘Ballkani Perëndimor, 15 vite tranzicion’, arritjet dhe sfidat që ende shtrihen përpara”, shkruan Ahmetaj.