Ai i shpëtoi jetën kur ishte ende e vogël, luanesha e përqafon

Miqësia mes njeriut dhe kafshës mund të jetë vërtetë e mrekullueshme. Djaloshi gjerman Val Gruener, në vitin 2011 gjeti një këlysh luani të braktisur  e të sëmurë.

Që prej asaj kohe ai u kujdes duke u kthyer në një prind të vërtetë për të; e rriti duke i mësuar madje edhe si të gjuajë ushqimin në mënyrë që të arrijë të mbijetojë.

Dhe tashme që është rritur, mirënjohja e luaneshës është e dukshme; ajo e përqafon babanë e saj njerëzor njësoj sikur të ishte edhe vetë njëri.