AKB në takimin europian për Itineraret Kulturore dhe Turistike

Agjencia Kombëtare e Bregdetit merr pjesë për herë të parë në takimin e organizuar nga Këshilli i Europës mbi Itineraret Kulturore dhe Turistike Europiane.

Ky takim bëri bashkë të gjithë administratorët dhe manaxherët e itinerareve turistike dhe kulturore, qe  tashmë janë pjesë e një zhvillimi të qëndrueshëm të turizmit europian.

”AKB ka filluar krijimin dhe implementimin në terren të itinerarit turistik dhe kulturor të “Via Egnatia”, i cili shumë shpejt mund të bëhet pjesë e itinerareve kulturore europiane”, tha për ATSH-në Drejtori i Përgjithshëm i Agjencisë Kombëtare të Bregdetit, Auron Tare.