Komisioni Parlamentar i Veprimtarive Prodhuese zhvilloi sot një seancë dëgjimore me Kryetarin e Këshillit Drejtues të Autoritetit të Komunikimeve Elektronike dhe Postare, Ilir Zela.
Zela bëri të ditur se AKEP do të shtojë përpjekjet për të garantuar mbrojtjen e të drejtave të përdoruesve.
Sipas tij, masat e reja të propozuara nga AKEP synojnë të mbrojnë konkurrencën në tregun e komunikimeve elektronike, pas daljes nga tregu të operatorit Plus Communication.
Kreu i AKEP-it informoi se po punohet për hartimin e një rregulloreje përmes së cilës bartja e numrave do të kryhet brenda 24 orëve duke i dhënë fund praktikave bllokuese të ndjekur në vitet e fundit nga operatorët.
Një tjetër masë që do të ndërmerret nga AKEP lidhet edhe me detyrimin e operatorëve për përmirësimin e cilësisë së shërbimit në zonat më pak të populluara të vendit.
Pas daljes nga tregu të operatorit “Plus Communication”, Autoriteti i Komunikimeve Elektronike dhe Postare ka vendosur të ndërhyjë me masa të reja rregullatore në tregun e telefonisë celulare, me qëllim shmangien e dominimit të mëtejshëm të tregut nga dy operatorët më të mëdhenj.
AKEP ka hedhur për konsultim publik propozimet për të ndryshuar tarifat me shumicë, ato që operatorët i paguajnë njëri-tjetrit për kryerjen e thirrjeve drejt rrjeteve respektive.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.