Aksident në aksin Lezhë-Shkodër, vdes drejtuesi i mjetit

Një aksident me pasojë vdekjen e një personi ka ndodhur sot në mesditë në aksin Lezhë-Shkodër, ku dy automjete janë përplasur me njëra-tjetrën.

Sipas policisë, aksidenti ndodhi në fshatin Blinisht dhe dyshohet se kamioni i ka prerë rrugën një makine të tipit “Benz”.

Pas përplasjes, makina “Benz” është përfshirë nga flakët dhe si pasojë ka vdekur drejtuesi i saj.