Aksident në aksin Peqin–Rrogozhinë, plagoset një person

Një aksident rrugor është regjistruar në aksin kombëtar Peqin–Rrogozhinë, pranë kryqëzimit të Gjocajt, ku janë përfshirë dy automjete.

Sipas informacioneve paraprake, përplasja ka shkaktuar dëme të konsiderueshme në njërin prej mjeteve, ndërsa njëri prej drejtuesve ka mbetur i plagosur. Ai është transportuar në spital për të marrë ndihmën e nevojshme mjekësore.

Dyshohet se shkak i aksidentit ka qenë futja e njërit prej automjeteve në rrugën kryesore pa respektuar rregullat e qarkullimit rrugor.

Në vendin e ngjarjes kanë mbërritur shërbimet e Policisë, të cilat kanë nisur hetimet për zbardhjen e plotë të rrethanave dhe përcaktimin e përgjegjësive.

Ky është aksidenti i dytë i regjistruar brenda pak orësh në këtë segment rrugor, pas përplasjes së rëndë të ndodhur më herët në afërsi të fshatit Karinë.