Aksident në një kantier në Kinë, me dhjetëra viktima

Të paktën 67 persona u vranë si pasojë e shembjes së një platforme në një kantier ndërtimi në provincën Jiangxi në Kinë. Aksidenti ndodhi në centralin energjetik Fengxheng ku po ndërtohej një kullë ftohje. Sipas mediave kineze, ka ende punëtorë që kanë mbetur nën rrënoja.

Mësohet se edhe reparte të ushtrie janë angazhuar në operacionet e kërkimit dhe shpëtimit. Sipas zyrtarëve lokalë, në kantier gjendeshin 68 njerëz në momentin e shembjes së platformës. Pamjet dhe fotot e publikuara nga mediat shfaqin shtresa betoni dhe tuba hekuri që gjenden në dyshemenë e një kulle të madhe ftohje pas i u shembën nga nivelet e saj më të larta.

Dy kullat e reja të ftohjes, me lartësi 168 metra, po ndërtoheshin për ti shtuar 1000 megavat kapaciteti prodhues të impiantit energji,it që punon me qymyr.

Zyrtarët kinezë kanë nisur hetimet për të zbuluar shkakun e këtij aksidenti tragjik, megjithëse ekspertët thonë se rezultatet nuk priten të jenë ndryshme nga ato të incidenteve të tilla të ngjashme në të shkuarën.
Asindetet fatale janë të zakonshme në kantiere ndërtimi apo zona industriale në Kinë, ku pavarësisht kërkesave gjithnjë e në rritje për standarde më të mira sigurie, duket se asgjë nuk ka ndryshuar.