Aksidenti ndërmjet kamionetës së FSK-së dhe automjetit, vdes një nga të lënduarit

Ka vdekur një nga tre të lënduarit në aksidentin e sotëm që ndodhi ndërmjet një automjeti dhe kamionetës së FSK-së, në magjistralen Gjakovë – Klinë.

Lajmin e ka konfirmuar zëdhënësja e policisë në Gjakovë, Vlera Krasniqi, e cila bëri të ditur se i ndjeri ishte 47-vjeçar.

“Më datë 26 maj 2026, rreth orës 14:00, është pranuar informata për një aksident trafiku në rrugën magjistrale Gjakovë – Klinë”.

“Në këtë aksident janë përfshirë një veturë dhe një kamion, ku si pasojë tre persona deri më tani kanë marrë trajtim mjekësor.

Ndërsa, rreth orës 18:30 jemi njoftuar që njëri prej të lënduarve, mashkull i moshës madhore 47 vjeç, si pasojë e lendimit nga ky aksident ka ndërruar jetë.

Njësia Rajonale e Trafikut Rajonal ka ndërmarr të gjithë hapat e nevojshëm për trajtimin e rastit”, deklaroi Krasniqi.