Aksidentohet eskorta e ministrit të Jashtëm Ditmir Bushati

Deputetja e Partisë Demokratike, Albina Deda pak minuta më parë ka nxjerrë një lajm në rrjetet sociale se eskorta e ministrit të Jashtëm Ditmir Bushati ka pësuar një aksident në rrugën e Kombit.

“Sipas një informacioni që më erdhi, Ministri Bushati me eskortën e tij kanë bërë aksident përgjatë rrugës së Kombit ( në afërsi të Gëziqit). Policia e komisariatit Mirditë është në vendngjarje”, shkruan Albina Deda.

Pikërisht sot ministri Bushati ishte në Kukës për të parë përgatitjet e fundit rreth Referendumit të Partisë Socialiste që do të mbahet ditën e nesërme.

Mësohet se është aksidentuar njëra nga makinat e eskortës, ndërsa ministri Bushati ndodhej në tjetër makinë. Raportohet vetëm për dëme materiale.