Akuzat e Manjanit, Tahiri jep një përgjigje diplomatike
“Lufta ndaj korrupsionit është përgjigja më e mirë ndaj çdo lloj akuze”. Ky ka qenë komenti diplomatik i ministrit të Brendshëm Saimir Tahiri, i pyetur nga gazetarët lidhur me deklaratat e ish ministrit të Drejtësisë, Ylli Manjani.
Tensionet mes dy ministrave të kabinetit Rama u rritën pas akuzave të Manjanit për kanabisin në Shqipëri dhe kërkesën e tij për ndërhyrjen e ushtrisë.
Gjithashtu dhe akuzat e shtuara të Manjanit ndaj policisë së shtetit.
Tahiri është përgjigjur shkurt, duke mos dashur të flasë më tepër për këtë temë.
Ai ishte i pranishëm në një aktivitet të policisë rrugore ku tha se policia është institucioni më i besuar i shqiptarëve, por ka ende punë për tu bërë është shprehur ministri i Brendshëm Saimir Tahiri, gjatë një aktiviteti në drejtorinë e Policisë Rrugore.
Tahiri tha se beteja për të fituar integritetin brenda policisë duhet të jetë primare, duke theksuar se janë 3 mijë punonjës policë që janë në hetim penal apo disiplinor pasi kanë shkelur ligjin, janë korruptuar apo nuk u kanë shërbyer qytetarëve.
