Alarm imazhesh në “Twitter”, 500 mijë në ditë janë porno

Janë rreth 500 mijë imazhet pornografike që çdo ditë publikohen pa u filtruar në “Twitter”. Është alarmi i lëshuar nga gazeta britanike “Daily Mail”, sipas të cilës, rrjeti social është tashmë mjeti i parapëlqyer për hedhjen dhe shpërndarjen e përmbajtjeve me ‘drita të kuqe’ shumë shpesh drejtuar të rinjve.

Deputetët britanikë, kanë kritikuar kolosin amerikan, duke kujtuar rezistencën e tij për të bllokuar ose filtruar këtë tip përmbajtjesh që mund të shihet lehtësisht nga kushdo.

Drejtuesit e ‘Twitter”-it, kanë përfunduar nën akuzë që nuk kanë marrë pjesë në një takim të organizuar nga qeveria e Londrës për të parandaluar pornografinë ‘online’.

Ata u kufizuan të ofrojnë pjesëmarrjen e një përfaqësuesi të tyre përmes telefonit nga Dublini. Kolosë të tjerë si “Facebook” e “Google”, kishin konfirmuar praninë  tyre.