Alvarez do largim Atletico dhe synon Barçën, për katalanasit ideal në sulm bashkë me Yamal e Raphinha

Sipas mediave spanjolle, sulmuesi Julián Álvarez po mendon të largohet nga Julián Álvarez këtë verë. Ka një pasiguri të konsiderueshme rreth të ardhmes të argjentinasit në kryeqytetin spanjoll, e përforcuar nga interesi i shpeshtë i Barcelonës për të.

Për katalanasit, Alvarez konsiderohet trashëgimtari perfekt i Lewandowski. Qendërsulmuesi argjentinas, i cili mbërriti në Madrid dy vite më parë, thuhet se është i pakënaqur pas një sezoni të vështirë dhe pa trofe nën drejtimin e Simeone.

Duket se lojtari nuk është i bindur nga projekti dhe është i hapur për një sfidë të re profesionale. Barcelona po e ndjek situatën nga afër dhe e konsiderojnë Álvarez ideal për të kompletuar treshen sulmuese së bashku me Lamine Yamal dhe Raphinha.

Sipas “El Chiringuito”, sulmuesi nuk ka ndërmend të rinovojë kontratën e tij me Atlético dhe po shtyn fort për një transferim veror. Ende nuk është arritur një marrëveshje zyrtare midis dy klubeve.

Ndërkohë, Atlético Madrid nuk ka ndërmend ta lërë lojtarin të lirë dhe suksesi i marrëveshjes do të varet kryesisht nga aftësia e Barcelonës për të përmbushur kufizimet e rrepta financiare dhe kriteret e regjistrimit të vendosura nga La Liga.