Ambasada Amerikane dhuron dy automjete për njësinë anti-kontrabandë të Administratës Doganore

Ambasada Amerikane, përmes Programit të saj të Kontrollit tëEksportit & Sigurisë Kufitare (EXBS), dhuroi sot dy automjete për njësinë anti-kontrabandë të Administratës Doganore.

Ceremonia u ndoq nga Zëvendës Shefi i Misionit, Henry V. Jardine, Zëvendës Drejtori i Përgjithshëm i Doganës, Zamir Shtylla dhe zyrtarë të tjerë të lartë të Doganës.

Zëvendës Shefi i Misionit, Jardine, theksoi se, këto automjete do të forcojnë kapacitetet e kontrollit kufitar në mënyra të ndryshme të rëndësishme.

Ndërsa Zëvendës Drejtori i Përgjithshëm i Doganës, Shtylla, shfrytëzoi rastin për të shprehur mirënjohjen e tij ndaj qeverisë së SHBA dhe Programit EXBS për mbështetjen e vlefshme dhe të vazhdueshme në trajnim dhe pajisje.