Ambasadorja e Shteteve të Bashkuara të Amerikës, Yuri Kim zhvilloi dje një takim me kreun e SPAK, Arben Kraja dhe drejtoreshën e Byrosë Kombëtare të Hetimit, Aida Hajnaj.
Në takim u diskutua për rezultatet e suksesshme të SPAK dhe sfidat me të cilat ata përballen në vitin e tyre të parë, njoftoi sot Ambasada e SHBA në vendin tonë.
“Shtetet e Bashkuara mbështesin rolin e rëndësishëm që SPAK ka në zbatimin e suksesshëm të Reformës në Drejtësi. Zhvillimi i vërtetë po ndodh. SPAK e nisi vitin 2021 me rezultate të vërteta nga çështje të mëdha”, thuhet në njoftim.
“Ndërsa mesi i vitit 2021 po afron, kreu Kraja dhe drejtori Hajnaj i rikonfirmuan ambasadores Kim se puna po vijon intensivisht në SPAK”, thekson Ambasada amerikane.
“Pavarësisht sfidave dhe sulmeve, SPAK është përqendruar për të treguar se askush nuk është mbi ligjin. Ata vazhdojnë të hetojnë krime të ndryshme, të organizuara e të mëdha, korrupsionin dhe krimet zgjedhore, dhe janë të vendosur për t’i dhënë fund pandëshkueshmërisë. Askush nuk është mbi ligjin!”, përfundon njoftimi i Ambasadës së SHBA.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.