Anglia fiton ndaj Danimarkës. Finalja Angli- Itali

Angli-Itali do të jetë finalja e madhe e Euro2020. “Tre Luanët” fituan me vështirësi ndaj Danimarkës, edhe falë bujarisë së gjyqtarit holandez, Danny Makkiele që fërshelleu një penallti në minutat e fundit të gjysmës së parë të kohës shtesë.

Gjyqtari drejtoi gishtin nga pika e bardhë pas një episodi që përfshiu Sterling dhe mbrojtësin danez Maehle. Nga përsëritja e rastit u pa se më shumë se pengim, sulmuesi anglez e kërkoi penalltinë vetë. Makkiele iu drejtua edhe VAR-it për këshillim dhe sërish pasi pa ritransmetimin e pamjeve dha 11-metërshin.