SHBA – Trump kërkon ndalimin e termit “IA” në dokumentet zyrtare

UASHINGTON, 28 tetor /ATSH-DPA/ – Presidenti amerikan Donald Trump, ka njoftuar se përdorimi i termit ”Inteligjenca Artificiale”, i njohur gjerësisht me shkurtesën IA, së shpejti do të ndalohet zyrtarisht në dokumentet përkatëse dhe në materiale të tjera.

Në një postim të publikuar në platformën e tij Truth Social, presidenti Trump argumentoi se termi është i pasaktë dhe kërkoi që ai të mos përdoret më në dokumentet zyrtare.

Presidenti Trump po intensifikon përpjekjet për të zëvendësuar termin e konsoliduar ”inteligjencë artificiale” me fjalën ”superinteligjencë”.

Prej disa javësh, ai po përpiqet të promovojë këtë emërtim të ri në vend të shkurtesës IA.

Sipas argumentimit të Trumpit, fjala ”artificiale” krijon përshtypjen se kjo teknologji është e rreme ose jo e mirëfilltë. Ai ka deklaruar gjithashtu se Shtëpia e Bardhë do t’i konsiderojë “armiq” ata që vazhdojnë të përdorin termin AI.

Ndërkohë, mediat amerikane vazhdojnë të përdorin kryesisht termin “inteligjencë artificiale”.

Megjithatë, sipas raportimit, disa drejtues të kompanive teknologjike kanë nisur ta përdorin publikisht termin “superinteligjencë”, të cilin Trump dëshiron ta bëjë emërtimin e preferuar./ /Ad.Ab./ a.jor.