Araghchi nga Nju Jorku: “Besimi te OKB-ja është humbur”

Ministri i Jashtëm iranian Abbas Araghchi deklaroi me mbërritjen në Nju Jork, para Asamblesë së Përgjithshme të OKB-së, se besimi te Kombet e Bashkuara është humbur, sipas kanalit të tij në Telegram.

“Kjo vizitë vjen pas luftës frikacake të nisur kundër nesh nga SHBA-ja dhe regjimi sionist, qëllimi i së cilës ishte shkatërrimi i programit tonë paqësor bërthamor”, tha Araghchi.

“Objektivi ynë kryesor është të shfrytëzojmë një platformë të madhe ndërkombëtare për të mbrojtur të drejtat legjitime të kombit iranian”, shtoi ai, duke theksuar se OKB-ja ka humbur besueshmërinë dhe besimin për shkak të dështimit për të ruajtur paqen botërore dhe për të parandaluar shpërthimin e luftërave.

“Kjo pasqyron një pranim universal se besimi te organizata është gërryer, ose është zhdukur plotësisht. Askush nuk beson më se OKB-ja mund të ndalojë agresionin apo padrejtësinë”, tha kryediplomati iranian.

Sipas tij, “disa kombe i japin vetes të drejtën të veprojnë pa u ndëshkuar, duke shpërfillur institucionet ndërkombëtare, të drejtën ndërkombëtare dhe normat e pranuara” — dhe si pasojë, “një entitet kriminal si regjimi sionist lihet i lirë të kryejë çdo mizori që dëshiron, ose të shkelë të drejtën ndërkombëtare, pa ndërhyrë Kombet e Bashkuara”.

Burimi: Al Jazeera