Arrestohet 28-vjeçari maqedonas, kërkohej nga Interpoli për vrasjen e dy personave

Policia e Tiranës ka arrestuar shtetasin Boyan Petreski, i akuzuar për vrasjen e dy personave.

Lajmi bëhet i ditur zyrtarisht nga Policia e kryeqytetit, e cila njofton se rreth orës 08.00, u bë arrestimi me qëllim ekstradimi i shtetasit Boyan Petreski, 28 vjeç, lindur në Ohër, Maqedoni, me kombësi maqedone dhe shtetësi bullgare.

Ky shtetas është shpallur në kërkim ndërkombëtar nga Interpol Shkup,i Maqedoni, më datën 27.08.2014, pasi Gjykata e Shkallës së Parë Ohër, ka lëshuar urdhrin e arrestit ndaj këtij shtetasi për kryerjen e veprave penale të “Vrasjes” dhe “Armëmbajtjes pa leje”, parashikuar nga Nenet 123 e 396 të Kodit Penal Maqedonas. Materialet do t’i kalojnë Prokurorisë së Rrethit Gjyqësor Tiranë.