Arrihet marrëveshja, Shaqiri është lojtar i Interit
Xherdan Shaqiri tashmë është një lojtar i interit. Bajerni i Mynihut ka pranuar propozimin e klubit zikaltër që lojtari shqiptar me nënshtetësi zvicerane të arrijë në “oborrin” e Roberto Mançinit si hua me obligimin për ta rishikuar kontratën.
Inter kishte prezantuar ofertën e tij tek shoqëria bavareze dhe lajmi i mirë mbërriti pas takimit ndërmjet drejtuesve të Interit Fassone e Ausilio, agjentin e Shaqirit, si dhe drejtuesit e Bajernit Rummenige dhe Sammer.
Mesfushori nga Kosova, mëngjesin e sotëm nuk ka marrë pjesë në stërvitjen e organizuar nga trajneri i Bajernit Guardiola dhe pritet nga sot apo nesër të firmosë për Interin deri në vitin 2019. Shaqiri është blerja më e re për Interit pas Podolskit, i cili inaguroi pjesmarrjen e tij tek zikaltrit në “Derbin e Italisë” me Juventusin, ndeshje që u mbyll në barazim.
