Arsenal, Knicks, Zverev e Hamilton: 2026-a u jep fund agjërimeve të gjata!

Është viti i fundit të pritjes. “Gunners” kampionë pas 22 vitesh, Knicks pas 53 vitesh, trofeu i parë Slam për tenistin gjerman dhe fitorja e parë me Ferrari për Sir Lewis.

Nëse gëzimi është proporcional me pritjen, 2026-a sportivisht është viti i festave të mëdha. Muaji i fundit na ka dhuruar fitore të ndryshme, që kanë prishur agjërime shumë të gjata: triumfi i Arsenalit në Premier League, i Knicks në NBA dhe sukseset e para të Hamilton te Ferrari e Zverev në një turne Slam.

As humbja në finalen e Champions League nuk e prishi festën për tifozët e Arsenalit. Ata ishin mjaft entuziastë në paradën e titullit në Premier League, një moment që pritej prej 22 vitesh. Më shumë se 1 milion tifozë të “Gunners” mbushën rrugët e Londrës për titullin, për lavdinë e mbrëmjeve europiane ka kohë.

Skena të ngjashme u panë edhe në rrugët e New York, ku fitorja e Knicks në ndeshjen -5 në San Antonio riktheu unazën NBA pas 53 vitesh. Një dehje gëzimi për një moment që në qytet pritej prej disa gjeneratash.

Viti 2026 nuk është fundi i agjërimit vetëm për sportet e skuadrave, por edhe për ato individuale. Në tenis, Alexander Zverev ia doli të thyejë mallkimin e turneve Slam, duke ngritur në qiellin e Parisit trofeun e Roland Garros.

Në Formula 1, Lewis Hamilton, në sezonin e dytë te Ferrari, arriti më në fund fitoren e parë në pistën e Catalunya.