Athinë, zjarrvënës sulmojnë zyrat e Kishës greke

Një prek zyrave kryesore të Kishës greke në qendër të Athinës është sulmuar nga zjarrvënës, të cilët kanë shkatërruar dy automjete në oborrin e godinës, por pa shkaktuar dëme ndaj vet ndërtesës.

Ende nuk ka asnjë autor që të ketë marrë përsipër përgjegjësinë e këtij sulmi gjatë natës, që besohet të jetë kryer me një bombolë të mbushur me benzinë. Sulmi është kryer në selinë e Sinodit të Shenjtë, siç bëri të ditur trupa qeverisëse e kishës.

Ndërtesat dhe pronat e kishës greke kanë qenë objektiva sulmi të vandalëve dhe zjarrvënësve përgjatë ditëve të fundit, kryesisht nga grupet anarkiste. Sulmet vijnë pas dëbimeve masive nga policia të personave të paligjshëm që përdornin pronat e kishës si vendstrehime refugjatësh, në qytetin verior të Selanikut.

Fundjavën e kaluar, një grup anarkistësh ndërprenë një shërbesë të së dielës në katedralen e Selanikut. Qeveria e majtë greke e ka dënuar sulmin në Athinë, duke premtuar se do të mbrojë të drejtat e besimit në vend.