Australi, kapet krokodili gjigand, 4 metra i gjatë dhe 550 kg

Një krokodil gjigand është kapur në Australi. Prej kohësh ai ishte kthyer në tmerrin e banorëve të zonës.
Përbindëshi është rreth 4.2 metra i gjatë dhe peshon afërsisht 546 kg. U deshën gjashtë persona për të kapur krokodilin gjigand, i cili jetonte në ujërat e lumit Daly të Australisë.Ai sulmonte qentë e zonës për të u ushqyer. Rreshteri Australian Tom Nichols, tha se krokodili përbënte rrezik për komunitetin, dhe sidomos për fëmijët që notonin ose gjuanin për peshk në lum.Rreshteri tha se ishte e vështirë ta kapje atë kafshë gjigande, por tani po transportohet në një fermë të sigurt, ku nuk përbën rrezik.