Automjetet pa drejtues, akord historik
Gjiganti botëror i kërkimit, “Google”, i cili që prej vitit 2009 është duke testuar makinat pa drejtues, duket se ka ndërmarrë një hap edhe më të madh në zhvillimin e kësaj teknologjie.
Tashmë është arritur një marrëveshje me kompaninë italiane të prodhimit të automjeteve, “Fiat”, për të blerë 100 furgonë hibridë, me karburant dhe me elektricitet, për të zgjeruar në këtë mënyrë programin e “Google”.
Marrëveshja është cilësuar si më partneriteti më i avancuar ndonjëherë deri më sot mes kompanisë nga “Silicon Valley” dhe një prodhuesi automjetesh, e megjithatë, këto automjete nuk do të ofrohen për shitje ndaj publikut.
John Krafcik dhe Sergio Marchionne, respektivisht shefat ekzekutivë të “Google” dhe “Fiat”, kanë rënë dakord që prodhuesit e makinave dhe pjesëmarrësit e rinj në këtë industri, si për shembull “Google”, të punojnë më mirë së bashku, sesa të konkurrojnë njëri-tjetrin.
Kompanitë kanë në plan të zhvillojnë “disa dhjetëra tipe automjetesh pa drejtues”, bazuar mbi modelin e furgonit “Pacifica”, në fazën e parë të projektit të përbashkët mes tyre. Sipas drejtuesve më të lartë ekzekutivëtë industrisë së makinave, automjetet pa drejtues mund të zbresin fillimisht në rrugë pa trafik, apo ndoshta edhe në anijet e flotave detare.
