Avokati nga Kenia ofron lopë, dele e dhi për dorën e vajzës së Obamës

Ëndrra e Felix Kiprono, nga Kenia, është të martohet me vajzën 16-vjeçare të Barack Obama, Malia dhe për këtë është gati të takohet me babanë e saj kur të vizitojë Kenian në qershor. Ai ka ofruar 50 lopë, 70 dele dhe 30 dhi në këmbim të dorës së vajzës së presidentit të SHBA.

Avokati i ri thotë se paratë nuk kanë asnjë rëndësi dhe se dashuria e tij është e vërtetë. Nëse Obama i pranon lopët, delet dhe dhitë është gati t’i ofrojë Malias një dasmë tradicionale tipike. Ai thotë se ka qenë i interesuar për vajzën e Obamës që në vitin 2008.

“Në fakt unë nuk kam dalë asnjëherë me asnjë femër tjetër dhe premtoj se do t’i qëndroj besnik deri në fund asaj”, është shprehur keniani.