Bagëtitë e ngordhura, grupe pune nga ministria e Bujqësisë dizinfektojnë stallat

Ministria e Bujqësisë, Zhvillimit Rural dhe Administrimit të Ujërave prej ditësh ka angazhuar grupe pune në zonat e përmbytura në jug të vendit, ku dëmet më të mëdha janë kryesisht në të mbjella dhe bagëti.

Për shkak të daljes nga shtretërit të lumenjve, zona të tëra në Vlorë, Berat, Fier, Përmet e Gjirokastër u mbuluan nga uji. Si pasojë, mijëra kokë bagëti dhe shpendë u mbytën pasi fermerët u gjendën të papërgatitur mbi situatën. Prej ditësh, specialistë të ministrisë së Bujqësisë po dizinfektojnë zonat e prekura. Ja disa nga fotot ky po ndërhyhet kryesisht.

Po kështu krahas dizenfektimit po bëhet dhe shpërndarja e ushqimeve për banorët e prekur nga përmbytja.