Balla-Berishës: Kemi ne antimitig, ne kemi një ditëlindje, projekti i Zvërnecit do të bëhet

Këtë të enjte mbahet seanca e radhës plenare në Kuvendin e Shqipërisë, ku në rend dite janë 6 interpelanca, mes të cilave dy të kërkuara me kryeministrin Edi Rama.

Gjatë diskutimeve, kreu i Grupit Parlamentar të Partisë Socialiste, Taulant Balla, iu përgjigj kritikave të opozitës dhe veçanërisht kreut të Partisë Demokratike, Sali Berisha.

Balla është përgjigjur edhe mbi investimin në Zvërnec, duke theksuar se projekti do realizohet, duke qenë një mundësi shumë e mirë për Shqipërinë.

“Ju nuk mund të jeni i ftuar në ditëlindjen e PS as në Vlorë. Ju kemi mundur 15 herë. Me Edi Ramën ju kemi mundur 8 herë rresht. Do të ju mundim edhe në 2029, ndaj diversionin tënd se kemi ne antimitig, ne kemi një ditëlindje…Populli i Vlorës është kryeqyteti i PS, për Artur Shehun pyet këtë… Merreni me qetësi, siç ju kemi mundur, do vazhdojmë t’ju mundim. Bëni mirë që të vini mend se nuk po ju kupton askush. Zotëria del dhe thotë; mbështesim investimin. Gjë që tregon kulturë shtetërorë. Sa i përket investimit në Zvërnec, ai investim do të realizohet pasi Shqipëria nuk e ka shansin dhe luksin të humbasë këtë investim. Është investim strategjik, do ta vendosë Shqipërinë në ligën e Kampioneve të Turizmit. Ata që dalin kundër investimit, janë kundër Shqipërisë”, tha Balla.