Balla: Meta bën mirë të heqë maskën! Ka dalë nga lokali ku e pi kafen çdo ditë me njërin, dhe thotë se kemi shkelur afatin

Kreu i Grupit Parlamentar Socialist ka folur mesditën e sotme në Kuvend sa i përket anëtarëve të Gjykatës Kushtetuese.

Taulant Balla tha se thelbi i reformës në Drejtësi ka qenë që t’ia heqë emërimet politikës në gjykata.

Ai komentoi edhe deklaratën e Ilir Metës mëngjesin e sotëm, duke e thumbuar këtë të fundit:

“Ka dalë Presidenti sot nga kafja, ku pi kafen me njërin përditë, dhe thotë se kemi kaluar afatet. Unë dua t’i uroj zonjës Arta Vorpsi zgjedhjen si anëtare e Kushtetueses. Përzgjedhjen nuk e bëjmë ne, por Këshilli i Lartë i Emërimeve” – tha Balla.

“Presidenti i Republikës bën mirë të heqë maskën dhe të flasë troç. Ai ka ngulmuar që lista t’i shkojë me katër emra, sepse tek ajo listë ka parë njërin ku ka besim” – tha Taulant Balla sot në Kuvend.

Ai shtoi se pezullimi i afateve është një shpikje e Presidentit.