Kronika
Balla pas takimit me kreun e misionit të OSBE/ODIHR: Fleta e votimit të jetë sa më e thjeshtë, mos ketë vota të pavlefshme
Pas takimit me kreun e misionit të OSBE/ODIHR, Sekretari i Përgjithshëm i PS Taulant Balla ka folur për mediat teksa u ndal dhe tek fleta e votimit.
“Kuvendi i Shqipërisë brenda një kohe shumë të shkurtër arriti t’i transformojë këto marrëveshje në kuadër zgjedhor. Falë ndryshime kushtetuese këto zgjedhje janë të parat ku qytetarët do votojnë jo vetëm për partinë, por edhe kandidatin. Është e domosdoshme që Komisionieri, KQZ të përmbyllë fletën e votimit, me qëllim që qytetarëve shqiptarë t’iu jepet mundësia të kuptojnë një fletë votimi sa më të thjeshtë, një fletë votimit që të reduktojë çdo lloj mundësie për votë të pavlefshme”, tha Balla.
Ndërsa për modelin e fletës së votimit ai tha:
Ky është një vlerësim që buron nga rekomandimet e kahershme të ODIHR-it, sa më e thjeshtë dhe më e kuptueshme për qytetarët fleta e votimit, aq më pak e mundshme bëhet mundësia e qytetarëve të bëjnë një fletë të pavlefshme. Modeli i fletës së votimit në Kosovë, një model perfektl. Fleta e votimit duhet të jetë e tillë që kapet ose skanohet në aparaturën e posaçme. Një fletë e madhe votimit bën që partitë e vogla të kenë vështirësi në ndjekjen e procesit të numërimit.
Kjo historia që PD krijoi me atë numrin e pafundëm të kandidatëve një histori që ka krijuar vonesa të pakuptimta. Matematika është e qartë. Nuk ka mundësi që LSI e kupton kodin zgjedhor si ne, ndërsa PD si 7×7, 42.
