Ballkani nuk mund të gjej asnjë zgjidhe pa Amerikën

Edhe presidenti malazez tha se Sekretari Pompeo, gjatë vizitës në rajon do të përcjellë mesazhe të qarta për mbështetjen e fuqishme amerikane.

Djukanovic ka thënë se e ardhmja e Ballkanit është në Bashkimin Evropian dhe në NATO ndërsa ka ofruar mbështetjen e vendit të tij për inkuadrimin e Maqedonisë së Veriut në këto institucione.

“Në Mal të Zi jemi bindur se pasiguria me të cilën për fat të keq njihet Ballkani, është pasojë e zhvillimeve demokratike të rajonit. Përgjigjja e gjithë kësaj duhet të jetë integrimi, arritja e kualitetit evropian edhe për popujt tanë. Ne jemi vend anëtar i NATO’së dhe jemi në bisedime me BE’në. Mendoj se është me rëndësi që ta mbështesim edhe Maqedoninë e Veriut në këtë rrugë”, ka deklaruar Djukanovic.

Sa u përket debateve me Bullgarinë, e cila i jep mbështetje integrimit evropian të Maqedonisë së Veriut, por jo pa kushte, presidenti Stevo Pendarovski beson se Sofja nuk do të bllokojë datën e bisedimeve ndërsa çështjet kontestuese nga e kaluara historike, sipas tij, do të zgjidhet në kuadër të bisedimeve me BE’në.