Barcelona gjen te rivalët zëvendësuesin e Lewandowski-t. Negociatat për 29-vjeçarin do të jenë shumë komplekse

Tashmë që Robert Lewandowski ka zyrtarizuar largimin nga Barcelona, drejtuesit e klubit katalanas kanë nisur nga puna për të gjetur zëvendësuesin e polakut. Një detyrë që nuk do të jetë aspak e lehtë.

Sport zbulon se Barcelona ka piketuar sulmuesin e Real Sociedad, Mikel Oyarzabal, si zëvendësuesin ideal të polakut. Oyarzabl ka shënuar 18 gola dhe ka dhënë 4 asiste këtë sezon me Real Sociedad.

Largimi i Oyarzabal nga klubi bask nuk do të jetë aspak i lehtë dhe do të kërkojë negociata komplekse mes klubeve, për shkak të rëndësisë së jashtëzakonshme që ka 29-vjeçari te baskët, ku mban edhe shiritin e kapitenit. Vlera në treg e Oyarzabal nëse i referohemi Transfermarkt është 25 milionë euro. Sulmuesi është pjesë e kombëtares spanjolle në mënyrë të rregullt.