Barcelona heq dorë nga Bastoni, një argjentinas për qendrën e mbrojtjes. Kushton 40 milionë euro

Tashmë dihet që një nga objektivat kryesore të Barcelonës për merkaton e kësaj vere është transferimi i një qendërmbrojtësi elitar. Prej muajsh të tërë është përfolur për interesimin e vazhdueshëm ndaj Alessandro Bastonit, por rezistenca e Interit është e fortë dhe zikaltrit janë të vendosur për të lejuar largimin e liderit të tyre të mbrojtjes vetëm për shifrën 70 milionë euro. Një shifër që Barcelona nuk e përballon dot, duke ditur që do të transferohet edhe një qendërsulmues që po ashtu do tëkushtojë mbi 70 milionë euro të paktën.

Në këtë situatë, katalanasit po shqyrtojnë alternativa të tjera që janë më pak të kushtueshme. Mundo Deportivo zbulon se një nga këta emra që ka ngjallur shumë interes së fundmi ështe edhe Lisandro Martinez, qendërmbrojtësi i Manchester United.

Pavarësisht luhatjeve të vazhdueshme në sezonin e fundit, 28-vjeçari argjentinas mbetet një nga qendërmbrojtësit më të mirë në treg. Vlera e tij aktuale në treg sipas Transfermarkt është 40 milionë euro. Kontrata e Martinez me Manchester United skadon në 30 qershor të vitit 2027, ndaj largimi i tij këtë verë është shumë i mundshëm, për të mos rrezikuar largimin falas një vit më pas.