Basha: Dita e protestës kombëtare po afron

Kryetari i Partisë Demokratike, Lulzim Basha nëpërmjet një postimi në rrjetin social Facebook, rikujton qytetarët se dhe 4 ditë ndajnë nga protesta kombëtare e 22 nëntorit për të drejta ekonomike.

“4 ditë na ndajnë nga 22 nëntori, dita e protestës kombëtare për të drejtat ekonomike dhe sociale të shqiptarëve” shkruan Basha.

Gjithashtu, kryetari i Partisë Demokratike, Lulzim Basha në vijim të postimit të tij në rrjetin social, ju ka bërë thirrje shqiptarëve të bashkohen në protestë, duke u shprehur se “të gjithë bashkë në mbrojtje të familjes, punës, shkollës dhe shëndetit. Kundër rritjes së taksave dhe çmimit të energjisë. Kundër papunësise dhe varfërisë. Kundër dhunës dhe paligjshmërisë qeveritare. Aleanca e mashtrimit, krimit dhe korrupsionit, nuk e gjunjëzon dot shpirtin e lirë të shqiptarit”.

Më herët, kryeministri Edi Rama, ironizoi Partinë Demokratike për paralajmërimin e protestës, duke i akuzuar si shkaktarë të paligjshmërisë të abuzivitetit me energjinë elektrike, trafikimin e lëndëve narkotike, diplomat e falsifikuara..etj.